काठमाडौं । नेपालका लागि नवनियुक्त भारतीय राजदूत विनयमोहन क्वात्रा काठमाडौं आइपुगेका छन् ।
क्वात्रा आइतबार बिहान त्रिभुवन अन्तर्राष्ट्रिय विमानस्थलमा ओर्लिएका हुन् ।
उनलाई विमानस्थलमा काठमाडौंस्थित भारतीय दूतावासका डिसिएम अजय कुमारलगायतले स्वागत गरेका थिए ।
क्वात्रा यसअघि फ्रान्सका लागि भारतीय राजदूत भएर काम गरिसकेका छन् ।
फ्रान्सबाट भारत फर्किएलगत्तै उनलाई भारतीय प्रधानमन्त्री नरेन्द्र मोदीले नेपालको राजदूतमा नियुक्त गरेका हुन् ।
सन् १९८८ मा भारतको परराष्ट्र सेवामा प्रवेश गरेका क्वात्राले एक समय व्यापार, अर्थ व्यवस्था र वृत्त ब्यूरोको प्रमुखका रुपमा दक्षिण एसियाली क्षेत्रीय सहयोग संगठन (सार्क) मा भारतको प्रतिनिधित्व गरेका थिए ।
