शिवरात्रीको अवसरमा पशुपतिनाथ मन्दिरमा दर्शन गर्नेको भीड बढेका कारण काठमाडौंको गौशाला, चाबहिल, विमानस्थल, पुरानो बानेश्वर, रातोपुल लगायतका क्षेत्रमा गाडीको चाप बढेको छ । गाडीको चाप बढेकोले बाटो मोडेर पठाउनुपर्ने अर्थात डाइभर्ट गर्नुपर्ने अवस्था भने रहेको महानगरीय ट्राफिक प्रहरी महाशाखाले जनाएको छ ।
सकेसम्म चाहिलबाट पिङगलास्थानसम्म जाने बाटो प्रयोग गर्नुको साटो बैकल्पिक बाटो प्रयोग गर्न आग्रह गरिएको महाशाखाका प्रवक्ता प्रहरी उपरीक्षक जीवनकुमार श्रेष्ठले जानकारी दिए । पशुपतिनाथ मन्दिरमा जानेहरुका गाडी राख्न तिलगंगा क्षेत्र, सिफल चौर र गुहेश्वरी पारी पार्किङको व्यवस्था मिलाइएको पनि छ ।
यसैबीच ट्राफिक प्रहरीले पशुपतिनाथ दर्शनका लागि जाँदा सकेसम्म सार्वजनिक गाडी प्रयोग गर्न आग्रह गरेकोे छ । नीजि गाडी पार्किङमा समस्या हुने र चाप पनि बढ्ने भएकाले दर्शनका लागि जाँदा सकेसम्म सार्वजनिक गाडीमा जान आग्रह गरिएको ट्राफिक प्रहरी महाशाखाले जनाएको छ ।
