काठमाडौं । बलात्कार, हत्या र मानिस वेपत्ता पारेको लगायत आरोप लागेका रामबहादुर बमजनलाई प्रहरीले फेला पार्न सकेन ।
तपस्वी रामबहादुर बम्जनलाई पक्राउ गर्न प्रहरी टोली सिन्धुलीस्थित उनको आश्रममा पुगेको थियो ।
बमजन खोज्न गएको प्रहरीले सिन्धुलीस्थित आश्रमबाट उनीनिकटस्थ एक शिष्यलाई नियन्त्रणमा लिएको एक अनुयायीले जानकारी दिएका छन् ।
बमजनका शिष्यहरूले महामार्ग गुरु भन्ने गरेका ज्ञानबहादुर बमजन (झ्याम्पा तोप्चेन) लाई प्रहरीले सोधपुछको लागि नियन्त्रणमा लिइएको बताइएको छ ।
आश्रममा छैनन् बमजन
बमजनमाथि हत्या, यौन हिंसा र मानिसहरू बेपत्ता पारेको आरोप लाग्दै आएका छन्।
तर बमजनका अनुयायीहरूले त्यो आरोप अस्वीकार गर्दै आएका छन्।
स्रोतका अनुसार बमजन भने आश्रममा छैनन् । उनी 'महाध्यान'मा रहेको उनका अनुयायीले बताएका छन् ।
एक अनुयायीले भने, 'भौतिक, सांसारिक रूपमा देखिने आवासमा उहाँ हुनुहुन्न, जङ्गलतिर कता हुनुहुन्छ।'
