ललितपुर । ललितपुरको फिट एण्ड फाइन जिममा रहेको साउनामा दुई जनाको मृत्यु भएको छ ।

ललितपुर महानगरपालिका–१५ तिखेदेबलमा बस्दै आएका हस्त गर्बुजा मगर र नेत्रकुमारीको मृत्यु भएको ललितपुर प्रहरीले जानकारी दिएको छ । उनीहरु श्रीमान श्रीमती हुन् । 

हस्त गर्बुजा मगर पूर्वमन्त्री थममाया थापाका स्वकीय सचिव समेत हुन् ।

बुधबार साँझ जिम गरेर उनीहरु साउना गएका थिए । साउना बसेको लामो समयसम्म उनीहरु बाहिर ननिस्किएपछि ढोका खालेर हेर्दा उनीहरु बेहोस अवस्थामा भेटिएका थिए ।

अक्सिजनको कमीका कारण निस्सासिएर मृत्यु भएको प्रारम्भिक अनुसन्धानबाट खुलेको प्रहरीले जनाएको छ ।

त्यसपछि उनीहरूलाई पाटन अस्पतालमा लगिएकोमा अस्पतालले मृत घोषित गरेको हो ।