चितवन जिल्ला अदातलले पत्रकार शालिकराम पुडासैनी आत्महत्या दुरुत्साहन मुद्दाका वादी प्रतिवादी साक्षीहरुसँग बकपत्र लिन थालेको छ ।
बकपत्र सकिएपछि मुद्दाको पेसी चढ्ने छ । अदालतमा आइतबार पुडासैनीको मोवाइलबाट बरामद गरिएको भिडियोको ल्याब परीक्षण गराउने विज्ञ, पुडासैनीकी श्रीमती सम्झना र जाहेरवाला चितवन प्रहरीका डिएसपी दीपेन्द्र शाहसँग बकपत्र गरिएको अदालतका सूचना अधिकारी रुद्रमणि गिरीले जानकारी दिए ।
वादीतर्फ १५ जना साक्षी छन् भने प्रतिवादी तर्फ सातजना साक्षी छन् ।
पत्रकार पुडासैनी आत्महत्या दुरुत्साहन मुद्दाका अभियुक्त रवि लामिछाने, युवराज कँडेल र अस्मिता कार्की आइतबार जिल्ला अदालतमा हाजिर भएका छन् ।
अदालतले गत ९ भदौमा तीनैजनालाई पाँच असोजको लागि तारिख तोकेको थियो ।
