बालुवा झिकेको खाल्डोमा परेर एक बालकको मृत्युलाई लिएर सर्लाहीमा भएको प्रदर्शनमा प्रहरीको गोली लागेर १ जनाको मृत्यु भएको छ ।
ईश्वरपुर नगरपालिकामा शनिवार एक बालकको मृत्यु भएको थियो । बालुवा झिकेको खाल्डोमा डुबेर बालकको मृत्यु भएपछि राजमार्गमा प्रदर्शनमा उत्रिएका स्थानीयमाथि प्रहरीले गोली चलाएको हो। प्रहरीको गोली लागेर एक जना प्रदर्शनकारी घाइते भएका छन् ।
त्यसकम्रमा स्थानीय सत्यनारायण महतो गोली लागेर मृत्यु भएको हो । स्थानीय बासिन्दाले बालकको शवसहित राजमार्गमा प्रदर्शन गरेका थिए । अवरोध खुलाउने क्रममा प्रहरीमाथि आक्रमण भएपछि गोली चलाउनु परेको सर्लाहीका एसपी गोपालचन्द्र भट्टराईले बताए । घटनामा केही प्रहरी र केही सशस्त्र प्रहरी घाइते भएका छन् ।
