विश्वकै सबैभन्दा ठूलो हिमशिला (हिम चट्टान) को तस्बिर लिन आरएएफ विमान सफल भएको छ । एटलान्टिक महासागरका दक्षिणबाट बग्न थाले लगत्तै सो हिम चट्टानको तस्बिर लिइएको हो ।
ए४००एम विमान ४२ सय स्क्वायर किलोमिटरमा फैलिएको हिम चट्टानबाट निकै नजिक हुने गरी उडेर तस्बिर लिएको हो । ए६८ए नामको सो हिम चट्टान विश्वकै सबैभन्दा ठूलो हिम चट्टान हो ।
तस्बिरमा देखिएअनुसार सो चट्टान विभिन्न स्थानमा चर्किएको छ भने धेरै धाँजा फाटेको छ । त्यसका केही हिस्साहरु टुक्रिएका छन् । यस्तै पानीको सहतभन्दा माथि सो हिम चट्टानको मुनि सुरुङ्ग समेत बनेको देखिएको छ ।
