कट्टरपन्थी नेता इब्राहिम रइसी इरानका राष्ट्रपति निर्वाचित भएका छन् ।
उनको पक्षमा ६२ प्रतिशत मत आएको अन्तर्राष्ट्रिय सञ्चारमाध्यमहरूले जनाएका छन्।
रइसी इरानका प्रधानन्यायाधीश हुन् । उनी अतिरूढिवादी र कट्टरपन्थी मानिन्छन् ।
अमेरिकाले रइसीविरुद्ध प्रतिबन्ध लगाएको छ । उनले राजनीतिक बन्दीहरूलाई दण्डको फैसला गरेको आरोप छ ।
इरानमा राज्यसम्बन्धी सम्पूर्ण मामिलामा अन्तिम निर्णय सर्वोच्च नेता आयातोल्लाह अलि खामेनेईले हेर्ने गर्छन् । राष्ट्रपति दोस्रो बरीयतामा रहने छन् ।
सन् २०१७ मा हसन रुहानीसँग उनले राष्ट्रपतिका लागि प्रतिस्पर्धा गरेका थिए । त्यसपटक उनले हारेका थिए । ६० वर्षीय रइसीले २०१९ मा न्यायालय प्रमुखमा नियुक्त भएका थिए ।
