काठमाडौं । अमेरिकाको क्यालिफोर्नियामा एक बन्दुकधारीको गोली प्रहारबाट ८ जनाको हत्या भएको छ ।
सैनजोसमा रहेको सान्ता क्लारामा बन्दुकधारीले अन्धाधुन्ध गोली चलाएका थिए ।
त्यहाँको रेल्वे स्टेशनको नजिकै कर्मचारीको बैठक भइरहेको बेला बन्दुकधारीले गोली चलाएको एजेन्सीहरूले जनाएका छन् ।
सुरक्षाकर्मीको जवाफी हमलामा बन्दुकधारी मारिएका छन् । ती बन्दुकधारीले गोली चलाउनुअघि आफनो घरमा आगजनी गरेका समाचारमा जनाइएको छ ।
