चिनियाँ विदेश मन्त्रालयकी प्रवक्ता हुआ चुनयिङले सडवर्थले बिबिसी संवाददाताले अनौपचारिक रुपमा चीन छाडेको भन्दै आपत्ति प्रकट गरेकी छिन् । बिबिसी संवादाता सडवर्थले चिनियाँ अधिकारीलाई कुनै सूचना नदिइए र औपचारिकतासमेत पूरा नगरी चीन छाडेको भन्दै प्रवक्ता चुनयिङले आपत्ति जनाएकी हुन् ।
प्रवक्ता हुआ चुनयिङ भन्छिन्, ‘जोन सडवर्थलाई आफ्नो सुरक्षाको चिन्ता थियो भने प्रहरीसँग सम्पर्क गर्नुपथ्र्यो । तर उनले भाग्ने निर्णय किन गरे ? उनी यति छिटो चीनबाट किन गए ? उनलाई के कुराको डर थियो । हामी यो कुरा बुझ्छौं, त्यो अपराधवोधग्रस्त हुनु ।’
‘सिनजियाङ प्रान्तका नागरिकले उनीविरुद्ध मुद्दा हाल्छन् भन्ने डर उनलाई थियो भने उनी यहीँ बसेर मुद्दा लड्नुपर्थ्यो । किनकी उनले आफूले झूटो रिपोर्टिङ नगरेको दाबी गरिरहेका छन् ।’
चिनियाँ विदेश मन्त्रालयले बिबिसीमाथि कोरोना महामारी र सिनजियाङसँग सम्बन्धित विषयमा झूटो समाचार प्रसारण गरेको आरोप लगाएको छ ।
जोन सडवर्थले चीन छाडेपछि चिनियाँ कम्युनिस्ट पार्टीमाथि मनगढन्ते आरोप लगाइएको पनि प्रवक्ता चुनयिङको भनाइ थियो । तथ्यलाई तोडमरोड गरी अन्तर्राष्ट्रिय सञ्चारमाध्यमले चीनमाथि आरोप लगाएको पनि उनको भनाइ छ । उनले भनिन्, ‘तपाईं चीनलाई मन पराउनुहोस् वा मन नपराउनुहोस् त्यो तपाईंको कुरा हो । तर, हामी तपाईंलाई चीनको साखमाथि धब्बा लगाउने अनुमति दिँदैनौँ । हामीले दोस्रो मुलुकबाट चीनमा रिपोर्टिङका लागि आएका पत्रकारहरुका लागि सुविधा दिँदै आएका छौँ । उनीहरुलाई सहयोग गर्दै आएका छौँ ।’
बिबिसीको प्रेस टिमले मार्च ३१ मा संवाददाता जोन सडवर्थ बेइजिङबाट ताइवान सरेको जानकारी दिएको थियो । बिबिसी प्रेस टिमले भनेको थियो, ‘चीन संवाददाताका रुपमा जोन सडवर्थले प्रशंसायोग्य काम गरेका थिए । उनीमाथि संस्था गर्व गर्छ । चिनियाँ प्रशासनले विश्वसामु लुकाउन खोजेको कुरा जोनले बाहिर ल्याएका थिए ।’
Our China correspondent @TheJohnSudworth has relocated. pic.twitter.com/G1NS0hUUWK
— BBC News Press Team (@BBCNewsPR) March 31, 2021
प्रवक्ता चुनयिङले बिबिसीले जानजानी चीनलाई निशाना बनाएको आरोप लगाएकी छिन् । चीन सरकारले जोन सडवर्थको प्रेस कार्ड रद्द गर्नुका साथै चीनमा आवासीय पत्रकारका रुपमा रहेको उनको दर्जा पनि रद्द गरिदिएको थियो ।
After the abnormal departure of John Sudworth from China's mainland, some people came together to put on a farce, a textbook example of how to shift the blame to the innocent party by distortion of facts and fallacy of composition. pic.twitter.com/wpuePQ4eNa
— Spokesperson发言人办公室 (@MFA_China) April 2, 2021
