अमेरिकी नवनिर्वाचित राष्ट्रपति जो बाइडेनको शपथग्रहणमा खटिएका १५० भन्दा बढी सुरक्षाकर्मीमा कोरोना भाइरस संक्रमण पुष्टि भएको छ ।
बुधबार बाइडेनको शपथग्रहणमा २५ हजारभन्दा बढी सेना सुरक्षाका लागि खटाइएका थिए ।
तीमध्ये झन्डै एक सय ५० देखि दुई सयजनामा कोरोना पुष्टि भएको अमेरिकी अधिकारीहरुलाई उदृत गर्दै रोयटर्सले जनाएको छ ।
गत जनवरी ६ मा पूर्व राष्ट्रपति डोनाल्ड ट्रम्पका समर्थकले बाइडेनको जित अवैधानिक भन्दै संसद भवनमा आक्रमण गरेका थिए ।
ट्रम्पका समर्थकले हिंसा भड्काउने खतरा बढेपछि बाइडेनको शपथ ग्रहणमा बाक्लो रुपमा सेना तैनाथ गरिएको थियो ।
अमेरिका अहिले कोरोना भाइरसले सबैभन्दा बढी ग्रस्त देश हो ।
अमेरिकामा २ करोड ५३ लाख ९० हजारमा कोरोना पुष्टि भइसक्दा ४ लाख २४ हजारको मृत्यु भइसकेको छ ।
