कोरोना भाइरस संक्रमण नियन्त्रणको लागि आम मानिसलाई स्वास्थ्य मापदण्ड अपनाउन अपिल गर्ने एक चिकित्सक स्वयम् बिना मास्क मस्त पार्टी गरिरहेका छन् ।
उनले बिना मास्क तथा सामाजिक दूरी कायम नगरी युवतीहरुसँग पार्टी गरिरहेको तस्बिर सार्वजनिक भएको हो ।
डा. माइकको नामबाट चर्चित चिकित्सक उनको सामाजिक सञ्जाल इन्स्टाग्राममा ४० लाखभन्दा बढी फलोअर्स छन् ।
अमेरिका न्युयोर्कका चिकित्सक माइक 'हट डाक्टर'को रुपमा समेत चर्चित छन् । उनको पूरा नाम माइक वारशावस्की हो ।
हालै सार्वजनिक भएको तस्विरमा उनी करिब एक दर्जन महिला (बिकिनी गर्ल्स) तथा पुरुषसँग पार्टी गरिरहेका छन् ।
कोरोना महामारीका बीच चिकित्सकले नै स्वास्थ्यका मापण्ड पालना नगरेपछि उनका फलोअर्स आक्रोशित भएका छन् । सल्लाह दिने व्यक्ति स्वयम्ले मापदण्ड पालना नगरेको भन्दै सामाजिक सञ्जाल प्रयोगकर्ताले विभिन्न प्रतिक्रिया दिइरहेका छन् ।
डेलीमेलका अनुसार उनको जन्मदिनको दिन उनले सो पार्टीको आयोजना गरेका थिए ।
जन्मदिनको पार्टी आयोजना गर्न उनी न्युयोर्कबाट मियामी पुगेका थिए ।
