फ्रान्समा कोरोना भाइरस (कोभिड-१९) का संक्रमितको संख्या झन् बढेको यहाँका स्वास्थ्य अधिकारीले जनाएका छन् । समाचारअनुसार गएको २४ घण्टामा मात्र फ्रान्समा ५२ हजार जनामा संक्रमण भएको पाइएको हो ।

गएको २४ घण्टामा ५२ हजार जनामा कोभिड भएको सोमबार यहाँको पब्लिक हेल्थ एजेन्सीले जनाएको छ । सो एजेन्सीले यहाँ गएको शनिबार मात्र ४५ हजार जनामा नयाँ संक्रमण देखिएको जनाएको थियो भने सोमबार ५२ हजारमा नयाँ संक्रमण भएको पाइएको बताएको थियो ।

यहाँ ११ लाखभन्दा बढीमा यो संक्रमण देखिएको बताइएको छ । उक्त एजेन्सीले फ्रान्समा ११ लाख ३८ हजार जनामा संक्रमण भएको छ । यहाँ ३४ हजार जनाभन्दा बढीको यो संक्रमणबाट मृत्यु भएकाे छ ।