ज्येष्ठ नागरिकहरूका क्षेत्रमा कार्यरत नेपाली गैरसकारी संस्था एजिङ नेपाल संयुक्त राष्ट्रसंघीय निकाय युनेस्कोले प्रदान गर्ने विश्व प्रसिद्ध ‘युनेस्को अन्तर्राष्ट्रिय शिक्षा पुरस्कार २०२०’ बाट सम्मानित भएको छ ।
एजिङ नेपालले सञ्चालन गर्दै आएको ‘ज्येष्ठ नागरिक आधारभूत शिक्षा कार्यक्रम’ विश्वका प्रतिस्पर्धीमध्ये सर्वोत्कृष्ट भई सो पुरस्कार प्राप्त गरेको हो ।
नेपाली संस्थालाई विश्व शिक्षा दिवस( सेप्टेम्बर ८ )को अवसर पारेर सो पुरस्कार प्रदान गरेको हो ।
हरेक वर्ष युनेस्को अन्तर्राष्ट्रिय शिक्षा पुरस्कार यही दिन प्रदान गर्ने सो पुरस्कारको राशी २० हजार अमेरिकी डलर छ । सो पुरस्कारबाट सम्मानित भएको नेपाली गैरसरकारी सस्था ज्येष्ठ नागरिकको सवलीकरण, हक, हित र सेवामा सक्रिय छ ।
यसअघि पुरस्कार वितरण कार्यक्रम फ्रान्स स्थित युनेस्कोको मुख्य कार्यालयमा हुँदै आएकोमा कोभिड–१९ को महामारीका कारण यस पटक भने भर्चुअल कार्यक्रम मार्फत् पुरस्कार विश्व साक्षरता दिवसका दिन प्रदान गरिनेछ ।
