ब्राजिलमा कोरोना भाइरस (कोभिड-१९) संक्रमितको संख्या करिब ४१ लाख पुगेको छ ।
शुक्रबारसम्मको तथ्यांकअनुसार यहाँका ४० लाख ९१ हजार ८०१ जना संक्रमित भेटिएका छन् ।
पछिल्लो २४ घन्टामा यहाँ ५० हजार १६३ जना संक्रमित थपिएको यहाँको स्वास्थ्य मन्त्रालयले जानकारी दिएको छ ।
कोरोना भाइरस संक्रमणबाट ब्राजिलमा एक लाख २५ हजारभन्दा बढीको ज्यान गइसकेको छ । शुक्रबार मात्र यहाँ ८८८ जनाको मृत्यु भएको थियो ।
कोरोना भााइरसबाट सबैभन्दा बढी संक्रमित हुनेमा ब्राजिल (अमेरिकापछिको) दोस्रो देश हो । अमेरिकामा ६३ लाखभन्दा बढी मानिस संक्रमित भएका छन् ।
अहिलेसम्म विश्वमा कोरोना संक्रमणबाट दुइृ करोड ६७ लाख मानिस संक्रमित भइसकेका छन् भने ८ लाख ७९ हजारभन्दा बढीको ज्यान गएको छ ।
