भारतमा पछिल्लो २४ घण्टामा ७६ हजार ८२६ जना कोरोना भाइरस संक्रमित थपिएका छन् ।
भारतमा एकैदिन थपिएको यो संख्या अहिलेसम्मकै सबैभन्दा बढी हो । यसअघि बुधबार ७५ हजार सात सयभन्दा बढीमा संक्रमण पुष्टि भएको थियो ।
भारतमा पछिल्ला दिनहरुमा संक्रमितको संख्या बढ्दै गएको छ । भारतमाा पछिल्लो समय हरेक दिन ७० हजारभन्दा धेरै संक्रमित थपिने गरेका छन् भने एक हजारभन्दा धेरैको मृत्यु हुने गरेको छ ।
पछिल्लो २४ घण्टामा भारतमा एक हजार ६५ जना कोरोना संक्रमितको मृत्यु भएको छ । यसअघि बुधबार एक हजार १६ र मंगलबार एक हजार १७ जनाको मृत्यु भएको थियो ।
भारतमा सबैभन्दा बढी संक्रमण र मृत्युदर महाराष्ट्र राज्यमा छ । जहाँ अहिलेसम्म सात लाख ३३ हजार ५६८ जना संक्रमित भइसकेका छन् भने २३ हजार ४४४ जनाको मृत्यु भएको छ ।
भारतमा कोरोना संक्रमितको संख्या ३२ लाख ४९ हजार ७ सयभन्दा बढी पुगेको छ । भारतमा ६० हजार ४७२ जना कोरोना संक्रमितको मृत्यु भएको छ ।
