स्कटल्यान्डमा कोरोना भाइरस परीक्षण गरेको १२ मिनेटमै रिपोर्ट हेर्न मिल्ने भएको छ ।
स्कटल्याण्डको स्वास्थ्य सेवाले लुमिराडिएक्स कम्पनीसँग परीक्षण गरेको १२ मिनेटमै नतिजा दिनेगरी सम्झौता गरेको जनाएको छ ।
यो सम्झौता गरेसँगै अब कोरोना परीक्षणको लागि विशेष किट प्रयोग गर्न सजिलो बाटो खुलेको बताएको छ ।
यसको लागि त्यहाँको सरकारले ३ सय मेसिन द्रुत गतिमा र पाँच लाख परीक्षणको लागि ६७ लाख पाउन्ड खर्च गरेको छ ।
१२ मिनेटमै परीक्षणको नतिजा दिने मेसिनलाई सजिलै एक ठाउँबाट अर्को ठाउँमा लैजान सकिनेछ ।
