कोरोना भाइरस (कोभिड-१९) संक्रमणपश्चात स्वस्थ (निको) भएका हङकङका एक व्यक्तिमा पुनः संक्रमण भएको पाइएको छ ।
३० वर्षीय एक युवामा पहिलो संक्रमण भएको साढे चार महिनापछि दोस्रो पटक संक्रमण पुष्टि भएको हो ।
ती संक्रमित १४ दिन अस्पतालमा उपचार गरेर कोरोनामुक्त भएका थिए । उनको दोस्रो पटक कोरोना परीक्षण गर्दा रिपोर्ट फेरि पोजेटिभ आएको हो । उनमा कोरोनाको कुनै लक्षण भने देखिएको छैन ।
बीबीसीका अनुसार कोरोना पुनः संक्रमणको यो विश्वमै पहिलो प्रमाणित केस हो ।
विश्व स्वास्थ्य संगठनले भने एउटा केसलाई लिएर कुनै निष्कर्षमा पुग्न नसकिने बताएको छ ।
पुनः संक्रमण विरलै हुन सक्ने र गम्भीर नहुने वैज्ञानिकहरुले बताएका छन् ।
वैज्ञानिकहरुका अनुसारका एउटै व्यक्ति दुई पटक कोरोनाबाट संक्रमित हुने घटना दुर्लभ हुन्छ ।
यो घटनाले कोरोनाविरुद्धको भ्याक्सिनको आवश्यकता भने अझै बढाएको उनीहरुको भनाइ छ ।
