भारतमा कोरोनाको संक्रमण तिब्र गतिमा बढीरहेको छ ।
भारतीय स्वास्थ्य मन्त्रालयले दिएको पछिल्लो अपडेट अनुसार २४ घण्टामा कोरोनाबाट ९४२ जनाको मृत्यु भएको छ ।
भारतमा कुल मृत्यु हुनेको संख्या ४७ हजार नाघेको छ । भारतमा अहिलेसम्म मृत्यु हुनेको संख्या ४७ हजार ३३ जना पुगेको छ ।
त्यस्तै २४ घण्टामा ६६ हजार ९९९ जना संक्रमित पुष्टि भएका छन् ।
योसँगै भारतमा अहिलेसम्म कोरोना संक्रमितको संख्या करिब २४ लाख पुगेको छ । कुल संक्रमित २३ लाख ९६ हजार ६३८ पुगेको छ ।
यसका साथै भारत धेरै संक्रमित हुने देशको सुचीमा अमेरिका, ब्राजिलपछि तेस्रो स्थानमा रहेको छ ।
त्यस्तै भारतमा अहिलेसम्म १६ लाख ९५ हजार ९८२ जना ठिक भएका छन् भने ६ लाख ५३ हजार ६२२ कोरोना संक्रमित विरामी उपचारत रहेका छन् ।
