जापानमा तेस्रो दिन पनि कोरोना भाइरसको संक्रमण दर उच्च बनेको छ ।
जापानको स्वास्थ्य मन्त्रालयले बिहीबार एक हजार ३०५ जना नयाँ संक्रमित पुष्टि भएका छन्, जुन कोरोना महामारी सुरू भएयता एकैदिन संक्रमण भएको सबैभन्दा ठुलो संख्या हो ।
बिहीबार कोरोनाका कारण दुई जनाको मृत्युसमेत भएको छ ।
सरकारले कोरोना भाइरसको संक्रमण बढ्न नदिन थप सुरक्षा सावधानी अपनाउँदै आर्थिक गतिविधिलाई निरन्तरता दिने रणनीतिका साथ अगाडि बढ्ने उनले बताए ।
राजधानी टोकियोमा बिहीबार ३६७ नयाँ संक्रमित थपिएका छन् । स्वास्थ्य प्रशासनले अधिकांश नयाँ संक्रमित बार र रेस्टुरेन्टमा भेला भएका युवाहरू रहेको जनाएको छ ।
टोकियोका गभर्नर युरिको कोइकेले रेस्टुरेन्ट र बारका सञ्चालकहरूलाई खुल्ने समयावधि घटाउन आग्रह गरेका छन् ।
दक्षिणी शहर फुकुओकामा बिहीबार १२१ र ओसाकामा १९० नयाँ संक्रमित भेटिएका थिए ।
जापानमा कूल संक्रमितको संख्या ३३ हजार ४९ पुगेको छ ।
