भारतमा कोरोनाभाइरस (कोभिड–१९) संक्रमितको संख्या ८ लाख ७९ हजार ४ सय ४७ रहेको छ ।
आइतबार (२४ घण्टामा) भारतमा २९ हजार १ सय ५ जना कोरोना संक्रमित भेटिएका छन् ।
२४ घण्टाभित्र भेटिएको संक्रमितको संख्या यो अहिलेसम्मकै धेरै हो ।
यसअघि जुलाई ११ मा सबैभन्दा धेरै २७ हजार ७ सय ५४ संक्रमित भेटिएका थिए ।
भारतमा आइतबार १८ हजार १ सय ३९ बिरामी निको भएको भारतीय सञ्चार माध्यमले उल्लेख गरेको छ ।
अहिलेसम्म यहाँ ५ लाख ५४ हजार ३ सय ७० बिरामी निको भइसकेका छन् ।
पछिल्लो २४ घण्टामा भारतमा पाँच सय मानिसको ज्यान गएको छ ।
भारतमा कोरोना संक्रमणबाट मृत्यु हुनेको संख्या २३ हजार १ सय ८७ पुगेको छ ।
