भारत विश्वकै तेस्रो धेरै कोरोना भाइरस संक्रमित हुने मुलुक बनेको छ। 

पछिल्लो तीन दिनमा कोरोना भाइरस संक्रमितको संख्या बढ्दै गएपछि  भारत विश्वकै संक्रमित हुने तेस्रो मुलुक बनेको हो । 

भारतको स्वास्थ्य मन्त्रालयको आँकडाअनुसार त्यहाँ कुल संक्रमितको संख्या करिब ६ लाख ९० हजार पुगेको छ । 

दिन प्रतिदिन संक्रमितको संख्या बढिरहेका बेला भारतको राजधानी दिल्लीमा १० हजार शय्या रहेको कोरोना भाइरस स्याहार गृह खुलेको छ । 
उक्त स्याहार गृहमा सामान्य लक्षण भएका तथा कोभिड–१९ पोजेटिभ भए पनि कुनै लक्षण नदेखिएकाहरूको उपचार गरिने बताइएको छ ।
२० वटा फुटबल मैदानजत्रो आकारको उक्त स्याहार गृहलाई स्थानीय सञ्चारमाध्यमहरूले विश्वकै सबैभन्दा ठूलो कोरोना भाइरस केन्द्रका रूपमा व्याख्या गरिरहेका छन् ।

हाल सबैभन्दा धेरै संक्रमिति क्रमशः अमेरिका र ब्राजिलमा छन् ।