काठमाडाैं ।निजी क्षेत्रको वायु सेवा प्रदायक कम्पनी श्री एयरलाइन्सको सिआरजे–बमबार्डियर जहाज अफ्रिकी मुलुक ट्युनिसियातर्फ उडेको छ ।
नेपाली सेनाका एक अधिकृतिको शान्ति सेनामा सेवारत अवस्थामा हृदयघातबाट मृत्यु भएपछि उनको शव लिन सो एयरलाइन्स त्यसतर्फ उडेको हो ।
एयरलाइन्सको ट्युनिसिया उडान एकतर्फी करिब १३ घन्टाको हुने जनाइएको छ ।
त्रिभुवन अन्तर्राष्ट्रिय विमानस्थलबाट उडेको सो जहाज ओमानको मस्कट, इजिप्टको कायरो हुँदै साँझ ट्युनिसियाको राजधानी ट्युनसस्थित कार्थेज अन्तर्राष्ट्रिय विमानस्थलमा अवतरण गर्ने जनाइएको छ ।
भोलिपल्ट शुक्रबार उताबाट फर्कँदा मस्कट, कायरो र दुबई हुँदै काठमाडौं अवतरण गर्नेेछ ।
श्रीले यसअघि सुडानमा चार्टर्ड उडान गरेको थियो । त्यस्तै, कम्पनीको जहाजले गत वैशाख १२ गते सिङ्गापुरबाट स्वास्थ्य सामग्री ल्याएको थियो ।
