काठमाडौं । दक्षिण एसियाली क्षेत्रीय सहयोग संगठन (सार्क) का सबै सदस्य मुलुक कोरोना संक्रमणको मारमा परेका छन् ।

क्षेत्रफल र जनसंख्याको आधारमा सबैभन्दा ठुलो भारतमा सर्वाधिक असर परेको छ । यो सामग्री तयार गर्दासम्म भारतमा ८१ हजार ९१७ जना संक्रमित पुगेका छन् भने २ हजार २४९ जनाको मृत्यु भइसकेको छ । उपचारपछि निको हुनेको संख्या २७ हजार ९६९ जना छ ।

सबैभन्दा कम असर परेको भुटानमा २० जना संक्रमित छन् । त्यसमध्ये ५ जना निको भइसकेका छन् । नेपाल र भुटानबाहेक सबैले मानवीय क्षति भोगिसकेका छन् ।