काठमाडौँ । कोरोना भाइरसको संक्रमणका कारण शुक्रबारमात्रै ८ हजार ६७२ जनाको ज्यान गएको छ ।

शुक्रबार पनि अमेरिकामा सबैभन्दा बढी मानिस मरेका छन् । त्यहाँ २ हजार ५३५ जनाको मृत्यु भएको छ । अमेरिकामा कुल मृत्युको संख्या ३७ हजार १५४ पुगिसकेको छ ।

चीनमा पछिल्लो दिनमा मृत्युको खबर फाट्टफुट्ट आउने गरेको थियो । तर शुक्रबारमात्रै १ हजार २९० जनाको मृत्यु भएको तथ्यांक सार्वजनिक छ । त्यसपछि बेलायतमा भएको मृत्युको तत्थांकमा ८४७ जना थपिएको छ । चीनमा कुल मृत्यु ४ हजार ४३२ पुगेको छ भने बेलायतमा १४ हजार ५७६ जनाको मृत्यु भइसकेको छ ।

शुक्रबार फ्रान्समा ७६१, स्पेनमा ६८७ र इटालीमा ५७५ जनाको मृत्यु भएको छ ।

संक्रमणतर्फ विश्वभर ८६ हजार ४९७ जनाको थपिएका छन् । त्यसमध्ये अमेरिकामा एकै दिन ३२ हजार १६५ नयाँ संक्रमित देखिएका छन् ।

हेर्नुस् अहिलेसम्मको सबैदेशको संक्रमण र मृत्युको अवस्था