एजेन्सी । कोरोना भाइरस संक्रमणको जोखिमलाई मध्यनजर गर्दै देह व्यापारमाथि समेत प्रतिवन्ध लगाइएको छ ।
तर पनि केही रेड लाइट इलाकामा यौन धन्दा हुने गरेको खुल्न आएको छ ।
अजमेरी गेटदेखि लाहौरी गेटसम्मको इलाकामा पर्ने जिबी रोड भारतको चर्चित रेड लाइट क्षेत्र हो ।
जिबी रोडमा १०० भन्दा बढी वेश्यालय रहेको छ । जहाँ करिब ४००० भन्दा बढी यौनकर्मी महिला रहेको बताइन्छ ।
देशमा लकडाउन घोषणा भएसँगै हजारौं मजदुरहरु पैदल (हिँडेर) आ–आफ्नो घर (गन्तव्य) तर्फ जाने क्रम तिव्र छ ।
शहरमा काम गर्दै आएका गरिब तथा मजदुर परिवार खान-बस्नको टुंगो नभएपछि आ-आफ्नो घर जान बाध्य भएका हुन् ।
यसैबीच जिबी रोडका करिब २००० यौनकर्मी वेश्यालयमै थुनिएका छन् ।
लकडाउन घोषणा भएसँगै मालिकहरुले वेश्यालयमा ताला लगाइदिएका छन् ।
जिबी रोडकी सेक्स वर्कर्समध्येकी एक रश्मी (नाम परिवर्तन) ले इण्डिया टुडेसँग भनिन्, 'हामी यस गल्लीमा अन्धकारमा फसेका छौं । हामीमाथि निकै कडा निगरानी गरिएको छ । जसका कारण हामी केही सामान खरिद गर्नको लागि नजिकैको पसलमा समेत जान पाइरहेका छैनौं ।'
उनले अघि भनिन्, 'हामीमध्ये धेरै जना बिरामी पनि भएका छौं । तर हामीसँग कुनै साधन छैन, हामी जाँच गर्न पनि जान सकिरहेका छैनौं । प्रहरीले हाम्रो कुरा नै सुन्न चाहँदैन । हामीसँग अब सीमित रकम छ । थाहा छैन हामी आफ्नो काममा कहिले फर्कन्छौं ।'