एजेन्सी । भारतीय प्रधानमन्त्री नरेन्द्र मोदीले भारतमा लगाइएको लकडाउनले जनतालाई पुगेको असुविधाप्रति माफी मागेका छन् ।
आइतबार आफ्नो रेडियो कार्यक्रम मन की बातमा बोल्दै भारतीय प्रधानमन्त्री मोदीले लकडाउनको कारण गरिब मानिसहरुमा परेको असुविधाप्रति क्षमा मागेका हुन् ।
‘म तपाईंहरुको समस्या बुझ्छु, तर कोरोना भाइरसविरुद्धको लडाइँमा यसको कुनै विकल्प थिएन ।’ मोदीले भनेका छन् ।
प्रधानमन्त्री मोदीले सबै जनतालाई सुरक्षित राख्नका लागि नचाहेर पनि यस्तो निर्णय गर्नुपरेको उललेख गरे ।
संकटको समयमा सहयोग गर्ने सबै मानिसलाई मोदीले धन्यवाद पनि दिएका छन् ।
कोरोना भाइरसको कारण भारतमा एक हजारभन्दा बढी मानिस संक्रमित भइसकेका छन् भने २५ जनाको मृत्यु भइसकेको छ ।
