एजेन्सी । भारतको कश्मीरमा रहेको एक सरकारी अस्पतालको क्वारटाइनमा बसिरहेका एक बिरामी भागेर अहिले तरकारी व्यापार गरी रहेका छन् ।
उनीसँग २६ जना क्वारनटाइनमा बसेका थिए । उनीहरु सबै जना अस्पतालबाट भागेका थिए ।
अस्पतालको रिपोर्ट अनुसार उनीहरुमा कोरोना भाइरस पोजेटिभ देखिएको छ ।
त्यहाँको प्रहरीले अस्पतालबाट भागेका मानिसहरुको खोजी गर्ने क्रममा तरकारी बेचिरहेको अवस्थामा एक व्यक्तिलाई फेला पारेको हो ।
उनलाई फेरि अस्पतालमा उपचारको लागि लगिएको छ ।
यो खबरले अहिले कश्मीर, श्रीनगरमा तहल्का मच्चिरहेको छ ।
कश्मीर श्रीनरगका मानिसहरु आफूहरु कोरोना भाइरसबाट असुरक्षित रहेको बताइरहेका छन् ।
