एजेन्सी । कोरोना भाइरसको सुरक्षाको रुपमा स्यानिटाइजरको प्रयोग गरिने गरेको छ ।
तर, एक कैदीले रक्सी ठानेर स्यानिटाइजर पिउँदा उनको मृत्यु भएको छ ।
भारतको केरलस्थित एक जेलमा रहेका एक कैदीले स्यानिटाइजर पिउँदा ज्यान गुमाएका हुन् ।
खबर अनुसार फेब्रुअरी १८ मा जेल आएका कैदी रामनकुट्टीले जेलभित्र स्यानिटाइजर पिएका थिए, त्यसपछि उनी परिसरभित्रै लडेका थिए ।
मंगलबार उनलाई अस्पताल भर्ना गरिएको थियो । अस्पतालमा उपचारको क्रममा उनको मृत्यु भएको हो ।
सरकारको आदेशअनुसार कैदीहरुहरुका लागि विगत केही दिनदेखि जेलभित्रै स्यानिटाइजर बनाउने काम भइरहेको थियो ।
जेल अधिकारीका अनुसार आइसोप्रोपिल अल्कोहलको उपयोग हातको स्यानिटाइजर बनाउने प्रमुख सामग्रीको रुपमा प्रयोग गरिन्छ तर कैदीले यसलाई नशाको रुपमा प्रयोग गरे ।
