कोरोना संक्रमणका कारण हंगेरीमा बेलायती कूटनीतिज्ञ ३७ वर्षीय स्टिभन डिक को मृत्यु भएको छ ।
स्टिभन गत हप्तादेखि अस्वस्थ भएको र स्वास्थ्य परीक्षण गराउँदा कोभिड–१९ को संक्रमण देखिएको थियो ।
३७ वर्षीय स्टिभन डिक हंगेरीको राजधानी बुडापेस्टमा रहेको बेलायती दूतावासमा कार्यरत थिए । बेलायती विदेश मन्त्रालयले पनि बुधबार हंगेरीमा बेलायती कूटनीतिज्ञको मृत्यु भएको दिएको जानकारी दिएको हो ।
त्यस्तै, दूतावासमा ‘डेपुटी हेड अफ मिसन’ का रुपमा कार्यरत स्टिभनको मृत्यु मंगलबार भएको बेलायती विदेश मन्त्रालयले पनि जानकारी दिएको छ ।
बेलायती विदेश सचिव डोमिनिक राबले स्टिभनको मृत्युले निकै दुःखी भएको बताएका छन् । साथै उनले स्टिभनको निधनको खबरले अत्यन्तै मर्माहत भएको बताउँदै समवेदना प्रकट गरेका छन् ।