एजेन्सी । पाकिस्तानमा कोरोना भाइरस संक्रमितको संख्या एक हजारभन्दा बढी पुगिसकेको छ ।
पाकिस्तानमा कोरोना भाइरसका कारण ९ जनाको मृत्यु भइसकेको छ ।
कोरोना संक्रमणको जोखिम बढ्दै जाँदा पाकिस्तानका प्रधानमन्त्री इमरान खानले देशमा लकडाउन गर्न मानेका छैनन् ।
इमरानले भनेका छन्, 'पाकिस्तानमा लकडाउन जस्तो कडा कदम उठाउन सकिँदैन । यसले देशको अर्थव्यवस्था बर्बाद हुनेछ ।'
यसअघि इमरानले सांसदहरुसँग कोरोना भाइरस नियन्त्रणको विषयमा छलफल गरेका थिए ।
बैठकमा इमरानले भनेका थिए, 'पाकिस्तानमा लकडाउन गर्नु भनेको ज्यादती तथा असम्भवजस्तो काम हो । यो नागरिकको लागि कर्फ्यूजस्तै हो । र यदि हामीले यस्तो गर्यौं भने मुलुक झन् बर्बादी तर्फ जानेछ । हाम्रो अर्थ व्यवस्था धरासायी हुन्छ ।'
