काठमाडौं । भारतमा कोरोना भाइरसका कारण १० जनाको ज्यान गइसकेको छ।
भारतमा यस भाइरसबाट संक्रमितको संख्या ४९९ पुगेको छ । जसमा पछिल्लो २४ घण्टामै १०३ नयाँ संक्रमित फेला परेका हुन् । साथै पछिल्लो २४ घण्टामा तीन जनाको मृत्यु भएको छ ।
भारतमा जनवरी ३० मा पहिलो पटक त्यहाँको केरला राज्यमा कोरोना संक्रमित भेटिएका थिए । त्यसयता भारतका विभिन्न राज्यमा यो भाइरस फैलिसकेको छ ।
भारतमा अहिलेसम्म ३४ जना संक्रमित निको भइसकेको छन् ।
सोमबार पहिलोपटक पश्चिम बंगालमा एक जनाको मृत्यु भयो भने, हिमाचल प्रदेशमा अर्का एक व्यक्तिको ज्यान गयो ।
कोरोना भाइरस संक्रमणबाट आइतबार बिहारमा एक जनाको मृत्यु भएको थियो ।
कोरोना भाइरस संक्रमण भारतमा तीव्र रुपमा फैलँदै गएपछि अहिले त्यहाँका ५४८ जिल्लामा लकडाउन गरिएको छ ।
त्यहाँका ३० राज्य र केन्द्रशासित प्रदेशमा पूरै लकडाउन घोषणा गरिएको छ भने रेल, बस, हावाई सेवा पनि ठप्प छन् ।
