एजेन्सी । भारतमा कोरोना भाइरस संक्रमणबाट थप एक जनाको मृत्यु भएको छ ।
योसँगै भारतमा कोरोना संक्रमणबाट ज्यान गुमाउनेको संख्या दुई पुगेको छ ।
कोरोनाभाइरस संक्रमित ६९ वर्षीया महिलाको शुक्रबार दिल्लीमा मृत्यु भएको हो ।
मृत्यु हुने महिला राम मनोहर लोहिया अस्पतालमा उपचाररत थिइन् ।
उनका छोरा ५ देखि २२ फेब्रुअरीको बीचमा इटाली तथा स्विटजरल्याण्डको यात्रा गरेर दिल्ली फर्किएका थिए ।
यसअघि बुधबार कर्नाटकमा ७६ वर्षीय व्यक्तिको ज्यान गएको थियो ।
दिल्ली सरकारले कोरोनालाई महामारी घोषित गरेको छ । संक्रमणलाई रोक्न स्कुल कलेज तथा सिनेमाघर बन्द गरिएको छ ।
मार्च ३१ सम्म स्कुल, कलेज तथा सिनेमा हल बन्द रहने बताइएको छ ।
