कोरोनाको विश्वव्यापी संक्रमण फैलिरहेको र नेपाली आतंकित भइरहेको वेला यूएईमा पनि २ नेपालीलाई कोरोना भाइरसको संक्रमण भएको भेटिएको छ । सोमबार त्यहाँको स्वास्थ्य मन्त्रालयले सार्वजनिक गरेको रिपोर्टमा  २ नेपालीसहित १४ जनामा कोरोना संक्रमण भएका नयाँ बिरामीहरु भेटिएको बताइएको छ ।  

योसहित यूएईमा कोरोना संक्रमितहरुको संख्या ५९ जना पुगेको छ । सोमबार भेटिएका नयाँ संक्रमितहरुमा ४ जना यूएईका नागरिक, ३ जना इटालियन, २ जना नेपाली, २ जना बंगलादेशी, १ जना रसियन, १ जना भारतीय र १ जना सिरियाली छन् ।