संयुक्त राज्य अमेरिकाका कोरोनाका कारण १४ जनाको मृत्यु भइसकेको छ भने २ सय २८ जना संक्रमित भएका छन् । अमेरिकी रोग नियन्त्रण र रोकथाम केन्द्रका अनुसार ४९ जना विदेशबाट ल्याइएकाहरूमा संक्रमण भएको जनाइएको छ ।

जसमा चीनको वुहानबाट ल्याइएका तीनजना हुन् भने जापानको प्रिन्सेस डाइमण्ड क्रुजबाट उद्धार गरिएका ४६ जना छन् । १ सय ७९ जना भने अमेरिकामै रहेकाहरू संक्रमित भएको बताइएको छ ।

उनीहरूको स्थानीय प्रयोगशालमा जाँच गराउँदा कोरोना देखिएको र केन्द्रीय प्रयोगशालामा परीक्षण भइरहेको जनाइएको छ ।  कोरोना भाइरस संक्रमण घटेको छैन । शुक्रबारसम्म ८५ देशमा संक्रमण देखिएको छ।