जापानिज पानी जहाजमा सवार थप ४१ जनामा कोराेना भाइरसको संक्रमण भेटिएको छ । यसअघि यस जहाजमा सवार २० जनामा संक्रमण भेटिएको थियो । डायमन्ड प्रिन्सेस नामक यस जहाजमा झन्डै ३ हजार ७ सय यात्रु थिए ।
८० वर्षका हङकङका नागरिक गत महिना बिरामी परेपछि अन्य यात्रुहरुको परीक्षण थालिएको थियो । २० जनवरीमा उनी याकाेहामाबाट जहाजमा चढेका थिए र २५ जनवरीमा हङकङ पुगेका थिए । ती व्यक्तिमा संक्रमण भेटिएको पुष्टि भएपछि दुई सातासम्म याकाेहामामा जहाज राखेर अन्य यात्रुहरुको परीक्षण गरिएको थियो ।
त्यसैगरी हङकङमा अर्काे एक जहाज वल्र्ड ड्रिममा सवार ८ जना पूर्व यात्रुमा भाइरसको संक्रमण भेटिएको पुष्टि भएको छ । बाँकी यात्रुहरुलाई हङकङमै राखेर परीक्षण थालिएको छ । यस जहाजमा ३ हजार ६ सय जना सवार थिए ।
ड्रिम प्रिन्सेसमा सवार २८ जापानी, ११ अमेरिकी, ७ क्यानेडेली, ७ अस्ट्रेलियाली, ३ चीनियाँ तथा बेलायत, न्युजिल्यान्ड, फिलिपिन्स र अर्जेन्टिका एक नागरिकमा संक्रमण भेटिएको हाे ।