एजेन्सी । कोरोना भाइरसबाट हङकङमा एक जनाको मृत्यु भएको छ।
कोरोना भाइरस संक्रमणबाट हङकङमा पहिलोपटक ३९ वर्षीय व्यक्तिको मृत्यु भएको हो ।
क्वाइ चुङमा रहेको प्रिन्सेस मार्गरेट अस्पतालमा उपचाररत उनको मृत्यु भएको हो । उनी गत जनवरीमा वुहान भ्रमण गरेर फर्किएका थिए।
चीनको वुहानबाट फैलिएको यस भाइरसको संक्रमणबाट हालसम्म ४२७ भन्दा बढीको मृत्यु भइसकेको छ।
चीन बाहिर फिलिपिन्समा समेत एक व्यक्तिको मृत्यु भएको छ ।
हडताल
चीनसँगको सिमाना बन्द गर्न माग गर्दै हङकङका स्वास्थ्यकर्मीले हडताल गरेका छन्।
स्वास्थ्यकर्मीहरू हडतालमा उत्रिएपछि विरामीको उपचारमा समस्या भएको छ।
