प्रधानमन्त्री केपी शर्मा ओली त्रिवि शिक्षण अस्पताल भर्ना भएका छन् ।
दोस्रोपटक मिर्गौला प्रत्यारोपणका लागि ओली सोमबार साँछ ६ बजेर २० मिनेट जाँदा अस्पताल भर्ना भएका हुन् । अस्पताल भर्ना हुनुअघि उनले भिडियो सन्देश दिएका थिए ।
उनले उपचारपछि थप उर्जाका साथ काममा फर्किने जनाएका थिए । प्रधानमन्त्रीले उपचारपछि छिट्टै थप विश्वास र उर्जा लिएर काममा फर्किने जनाएका छन् । यसबीचमा सरकारी कामकाज सहज रुपमा हुने प्रधानमन्त्रीले भनेका थिए ।
प्रधानमन्त्रीले राम्रो खेलाडीले खेलको बीचमा नछाड्ने भन्दै आफूले पनि मैदान नछोड्ने सन्देश प्रष्टसँग दिएका थिए । प्रधानमन्त्रीले आफूले जागृत हुँदै गरेका सपनाहरूलाई बीचमा अलपत्र पारेर म पनि अलप हुन्न भनेका थिए । उनले 'संसारमा कोही अजम्बरी नभएको भन्दै जागृत हुँदै गरेका सपनालाई साकार पार्नका लागि भनेर बुझ्नु हुनेछ' भनेका थिए ।
उनले आफ्नो स्वास्थ्यलाभको कामना गर्ने सबैमा आभारसमेत व्यक्त गरेका थिए ।
