काठमाडौं । कोरोना संक्रमणबाट विश्वमा दिनहुँ औसतमा पाँच हजारभन्दा बढीको ज्यान जाने गरेको पाँच साता भइसक्यो । तर आइतबार भने बडो बिचित्र देखिएको छ । हरेक आइतबार औसतमा मृत्यु घट्ने गरेको छ ।

विश्वभर दैनिक मृत्युको संख्या एक हजारभन्दा माथि पुगेपछिको तथ्यांक नेपाल फ्ल्यासले विश्लेषण गर्दा हरेक आइतबार विश्वका लागि कम दुखद् देखिएको छ । दैनिक चैत ६ गतेयताको दैनिक तथ्यांकमा अरु दिनभन्दा आइतबार मृत्युको संख्या घट्ने गरेको हो । पछिल्ला आठवटा आइतबार कोरोना प्रभावित विश्वका लागि कम दुखद देखिएका हुन् । 

सबैभन्दा बढी प्रभावित अमेरिकामा चैत १६ गतेयताका सात वटा आइतबारमा तुलनात्मक रुपमा मृत्यु कम भएको छ । दोस्रो बढी मृत्यु व्यहोरेको बेलायतमा पनि पछिल्ला ६ आइतबारमध्ये तीनवटामा निक्कै कम मानिस मरेका छन् ।

हेर्नुस् विश्वभर मृत्यु हुनेको दैनिक सूची