काठमाडौं । आज सामलिङ पावर कम्पनीको आइपीओ बाँडफाँड हुँदै छ । बिक्री प्रबन्धक नेपाल एसबिआई मर्चेन्ट बैंकिङका अनुसार आज बिहान ८ः३० बजे आइपीओ बाँडफाँड हुनेछ ।
यसको प्री–अलोटमेन्ट आइतबार सम्पन्न भइसकेको कम्पनीले जनाएको छ । यसमा २३ लाख ९३ हजार ४२८ जना आवेदकबाट २ करोड ६९ लाख ३३ हजार ५०० कित्ताको लागि आवेदन परेको थियो ।
जुन सर्वसाधारणबाट माग गरिएको भन्दा ३१.६७ गुणा बढी हो । यद्यपि, अन्तिम तथ्यांक भने फरक पर्न सक्छ । सामलिङले कात्तिक ४ गतेदेखि ७ लाख ३० हजार कित्ता आइपीओ जारी गरेको थियो ।