काठमाडौं । कुमारी इक्विटी फन्डमा माग गरे भन्दा बढी आवेदन प्राप्त भएको छ ।
कुमारी इक्विटी फन्डको प्रति इकाई १० का दरले आठ करोड इकाईहरूको विक्री गरिएको थियो । फागुन १४ देखि सुरु भएको बिक्री २५ गते सकिएको थियो ।
आवेदकहरूबाट मागेभन्दा ३५ प्रतिशत आवेदन बढी परेको छ । कुमारी इक्विटी फन्डमा बढी आवेदन परेकोमा प्रमुख कार्यकारी अधिकृत अश्विनबाबु श्रेष्ठले खुसी व्यक्त गरेका छन् । उनले आफूहरूप्रति विश्वास गरेको भन्दै लगानीकर्ताहरूमा हार्दिक कृतज्ञता व्यक्त गरेका छन्।
कोष प्रवर्द्धक एवं योजना व्यवस्थापकबाट आगामी दिन निरन्तर सहयोग र सद्भावको अपेक्षा उनले गरेका छन् ।
उनले नेपाल धितोपत्र बोर्ड, कम्पनी रजिस्ट्रारको कार्यालय, नियमनकारी निकायहरू, लगानीकर्ता आवेदकहरू, सी–आश्वा सदस्य बैंक तथा वित्तीय संस्थालगायतमा आभार व्यक्त गरेका छन् ।
