काठमाडौं । युनाइटेड इन्सुरेन्स कम्पनीको चालु आर्थिक वर्षको दोस्रो त्रैमाससम्म खुद नाफा ३५.६४ प्रतिशतले बढेको छ ।
यस अवधिमा कम्पनीको खुद नाफा २ करोड ७४ लाख ९० हजार रुपैयाँ पुगेको हो ।
गत वर्ष कम्पनीले २ करोड २ लाख ५९ हजार रुपैयाँ नाफा कमाएको थियो । बिमा कोषको आकार ३.५० प्रतिशतले घटेर ३२ करोड ४४ लाख रुपैयाँमा सीमित भएको छ ।
गत वर्ष बिमा कोषमा ३३ करोड ६२ लाख रुपैयाँ थियो । खुद बिमा शुल्क ४९.३४ प्रतिशतले बढेर २६ करोड ३० लाख रुपैयाँ पुगेको छ ।
कम्पनीले गत वर्ष १७ करोड ६१ लाख रुपैयाँ मात्रै खुद बिमा शुल्क आर्जन गरेको थियो ।
दोस्रो त्रैमाससम्म कम्पनीले २० करोड ९० लाख रुपैयाँ कुल दाबी भुक्तानी गरेको छ । भुक्तानी हुन बाँकी रकम ७२ करोड ५ लाख रुपैयाँ रहेको छ ।
हाल यस कम्पनीको चुक्ता पुँजी १ अर्ब २ करोड ८१ लाख ६० हजार रुपैयाँ छ । जगेडा कोषमा ९ करोड ८१ लाख ४८ हजार रुपैयाँ रहेको छ । संस्थाको प्रतिसेयर आम्दानी २ रुपैयाँ ३७ पैसा र प्रतिसेयर नेटवर्थ १४१ रुपैयाँ ७७ पैसा छ ।
