काठमाडौं । बुटवल पावर कम्पनीको चालु आर्थिक वर्षको दोस्रो त्रैमासमा नाफा ८३.८९ प्रतिशतले घटेको छ ।
दोस्रो त्रैमासमा १३ करोड ८३ लाख ९८ हजार रुपैयाँमा सीमित भएको छ । गत वर्ष यस अवधिमा कम्पनीले ८५ करोड ८८ लाख ६७ हजार रुपैयाँ खुद नाफा गरेको थियो ।
यस कम्पनीको विद्युत बिक्रीबाट हुने आम्दानी सामान्य घटेर ३९ करोड ३ लाख २० हजार रुपैयाँ रहेको छ । गत वर्ष विद्युत बिक्रीबाट ४० करोड ४७ लाख ३७ हजार रुपैयाँ आम्दानी गरेको थियो ।
अन्य आम्दानी शीर्षकमा भने उल्लेख्य कमि देखिएको छ । गत वर्ष ७४ करोड १३ लाख १७ हजार रुपैयाँ अन्य आम्दानी गरेकामा अहिले १ करोड ६३ लाख ९५ हजार रुपैयाँमा सीमित भएको छ ।
हाल बुटवल पावरको सेयर पुँजी २ अर्ब ९५ करोड १३ लाख ६१ हजार रुपैयाँ छ ।
रिजर्भ कोषमा ३ अर्ब ९२ करोड ७८ लाख ५२ हजार रुपैयाँ छ ।
प्रतिसेयर आम्दानी घटेर ४ रुपैयाँ ६९ पैसामा सीमित भएको छ । गत वर्ष प्रतिसेयर आम्दानी ३२ रुपैयाँ थियो ।
यस्तै, प्रतिसेयर नेटवर्थ पनि २६० रुपैयाँ २० पैसाबाट घटेर अहिले २३३ रुपैयाँ ९ पैसामा सीमित भएको छ ।
