काठमाडौं । विजय लघुवित्तको चालु आर्थिक वर्षको दोस्रो त्रैमाससम्ममा खुद नाफा २८.७४ प्रतिशतले बढेर ७ करोड २९ लाख १३ हजार रुपैयाँ पुगेको छ ।
गत वर्ष यस अवधिमा कम्पनीले ५ करोड ६६ लाख ३४ हजार रुपैयाँ नाफा कमाएको थियो ।
खुद ब्याज आम्दानी १५ करोड ५४ लाख ३५ हजार रुपैयाँ अर्थात २३ प्रतिशत पुगेको छ । गत वर्ष यस अवधिमा कम्पनीले १२ करोड ६३ लाख ६१ हजार रुपैयाँ खुद ब्याज आम्दानी गरेको थियो ।
सञ्चालन नाफा ६.६६ प्रतिशतले बढेर ८ करोड ५५ लाख ५८ हजार रुपैयाँ पुगेको छ । गत वर्ष कम्पनीले ८ करोड २ लाख ११ हजार रुपैयाँ सञ्चालन नाफा कमाएको थियो ।
कम्पनीको खराब कर्जा ०.५८ प्रतिशतले बढेर ३.२१ प्रतिशत पुगेको छ । गत वर्ष खराब कर्जा २.६३ प्रतिशत थियो ।
जगेडा कोषमा १२ करोड८५ लाख २३ हजार रुपैयाँ छ ।
प्रतिसेयर आम्दानी वार्षिक ५४ रुपैयाँ ७० पैसा र प्रतिसेयर नेटवर्थ १४८ रुपैयाँ २१ पैसा छ ।
यस कम्पनीको चुक्ता पुँजी २६ करोड ६५ लाख ९७ हजार रुपैयाँ छ ।
