काठमाडौं । कामना सेवा विकास बैंक लिमिटेडले ९ प्रतशित व्याजदरको १० वर्षे ऋणपत्र आजबाट आवेदन खुल्ला गरेको छ ।
यस बैंकले १००० प्रति ऋणपत्रका दरले १० लाख कित्ताले हुन आउँने १ अर्ब बराबरको ऋणपत्रमा आजदेखि निष्काशन गरेको हो ।
१० लाख कित्तामध्ये ६ लाख कित्ता व्याक्तिगत तवरबाट विक्री गरिने छ भने बाँकी ४ लाख कित्ता सर्वसाधारण नेपालीको लागि सार्वजनिक निष्कासनबाट विक्री गरिनेछ । सामुहिक लगानी कोषका लागि बाँडफाँड गरिएको ५ प्रतिशत पनि सर्वसाधारणका लागिनै निष्कासन गरिने बैंकले जनाएको छ ।
उक्त ऋणपत्रमा न्यूनतम २५ कित्तादेखि अधिकतम २० हजार कित्ता सम्म दरखास्त दिन सकिने छ ।
ऋणपत्र निष्कासन बन्द माघ २६ गते हुने छ ,भने उक्त समयमा आवेदन पुरा नभएमा फागुन ६ गतेसम्म रहने छ ।
ऋणपत्रको विक्री प्रवन्धकमा एनआईबिएल एस क्यापिटल लिमिटेड रहेको छ ।
