काठमाडौं । नेपाल इन्फ्रास्ट्रक्चर बैंकको आइपीओ आज (शुक्रबार) बाँडफाँट भएको छ ।
यस बैंकले माघ २ गतेदेखि माघ ६ गतेसम्म सर्वसाधारणका लागि ७ करोड ५८ लाख ४० हजार कित्ता आइपीओ खुला गरेको थियो ।
कम्पनीले कुल ८ करोड कित्ता सेयरमध्ये ०.२० प्रतिशत अर्थात १ लाख ६० हजार कित्ता सेयर कर्मचारीहरुका लागि ५५ ले हुने ४० लाख कित्ता सेयर सामूहिक लगानी कोषलाई छुट्याएर बाँकी सेयर सर्वसाधारणमा जारी गरेको हो ।
आइपीओमा कुल १४ लाख ८१ हजार २८४ जनाले आवेदन दिएकामा ६ हजार २७६ जनाको आवेदन रद्द भएको छ । कुल १४ लाख ७५ हजार ८ जना योग्य आवेदकमध्ये १० देखि ५० कित्तासम्म माग गर्ने सबैलाई माग बमोजिम सेयर बाँडफाट गरिएको छ । माग अनुसार कुल १ करोड १२ लाख १९ हजार ८० कित्ता सेयर बाँडफाँट गरिएको हो ।
६० देखि २ लाख कित्तासम्म माग गर्ने सबैलाई ५० कित्ताका दरले कुल ५ करोड ९७ लाख २०० कित्ता बाँडफाँट भएको छ ।
बाँकी रहेको ४९ लाख २० हजार ७२० कित्ता सेयर ६० देखि २ लाख कित्तासम्म आवेदन दिएकामध्ये ४ लाख ९२ हजार ७२ जनालाई गोलाप्रथामार्फत १० कित्ता थप गरिएको छ ।
यसमा बैंकको बिक्री प्रबन्धकमा एनआइबीएल एस क्यापिटलले गरेको थियो ।
