काठमाडौं । एनएमबी बैंकले चालु आर्थिक वर्षको दोस्रो त्रैमाससम्ममा १ अर्ब ६१ करोड रुपैयाँ खुद नाफा कमाएको छ ।
बैंकको वित्तिय विवरण अनुसार गत आर्थिक वर्षको भन्दा ४७.६९ प्रतिशतले बढेको हो ।
गत आर्थिक वर्ष यस अवधिमा बैंकले १ अर्ब ९ करोड रुपैयाँ मात्र खुद नाफा आर्जन गरेको थियो ।
बैंकको वितरणयोग्य नाफा ३५.२१ प्रतिशतले बढाएर १ अर्ब ५० करोड रुपैयाँ पुराएको छ ।
यस बैंकको खुद ब्याज आम्दानी ४.९५ प्रतिशत र संचालन नाफा ४५.९६ प्रतिशतले बढेको छ ।
बैंकले पुस मसान्तसम्म निक्षेप संकलन १२.७६ प्रतिशत र २०.८१ प्रतिशतले बढाउन सफल भएको छ ।
प्रतिशेयर आम्दानी पनि २ रुपैयाँ १९ पैसाले बढेर २२ रुपैयाँ ५० पैसा कायम भएको छ । प्रतिसेयर नेटवर्थ १६० रुपैयाँ ४१ पैसा रहेको छ ।
