काठमाडौं । नेपाली बजारमा आज (बिहीबार) सुनको मूल्यमा सामान्य गिरावट आएको छ । 

नेपाल सुनचाँदी व्यवसायी महासंघका अनुसार हिजो (बुधबार) तोलामा ९२ हजार १०० रुपैयाँमा कारोबार भएको छापावाल सुन आज तोलामा ९२ हजार रुपैयाँमा कारोबार भएको छ । 

यस्तै तेजावी सुन तोलामा ९१ हजार ५०० रुपैयाँमा कारोबार भएको महासंघले जनाएको छ । 

चाँदीको मूल्य पनि हिजोको तुलनामा पाँच रुपैयाँले घटेर तोलामा १२४५ रुपैयाँमा कारोबार भएको महासंघले जनाएको छ ।