काठमाडौं । नेपाली बजारमा आज (मंगलबार) सुनको मूल्य बढेको छ । चाँदीको मूल्यमा भने सामान्य गिरावट आएको छ । 

नेपाल सुनचाँदी व्यवसायी महासंघका अनुसार हिजो (सोमबार) को तुलनामा आज सुनको मूल्य प्रतितोला ४०० रुपैयाँले बढेको छ ।

आज नेपाली बजारमा छापावाला सुन प्रतितोला ९२ हजार ८०० रुपैयाँमा कारोबार भइरहेको छ । 

यस्तै तेजाबी सुन प्रतितोला ९२ हजार ३०० रुपैयाँमा कारोबार भइरहेको महासंघले जनाएको छ ।

यसैबीच, आज चाँदीको मूल्य प्रतितोला पाँच रुपैयाँले घटेर एक हजार २५५ रुपैयाँमा कारोबार भइरहेको छ ।