काठमाडौं । आज (मंगलबार) बाट नारायणी डेभलपमेन्ट बैंकले हकप्रद शेयर निष्काशन तथा विक्री खुला गरेको छ ।
यस बैंकले १०० अंकित ६ लाख ५६ हजार १६९ कित्ता हकप्रद शेयर १:१ अनुपातमा हकप्रद शेयर निष्कासन गरेको हो ।
नैप्सेमा पुस २८ गतेसम्म कारोबार भई कायम साविक शेयरधनीहरुले यो हक प्रद शेयरमा आवेदन दिन सक्नेछन् ।
आवेदन दिने सयम फागुन ३ गते बैंकिङ्ग समयसम्म रहने छ ।
हाल कम्पनीको चुक्तापूँजी ६ करोड ५६ लाख १६ हजार ९०० रहेको छ, भने हकप्रदन निष्कासन गरी बाँडफाँड गरेपश्चात् बैंकको चुक्तापूँजी १३ करोड १२ लाख ३३ हजार ८०० पुग्नेछ ।
धितोपत्र निष्कासन तथा विक्री प्रवन्धक ग्लोबल आइएमई क्यापीटल लिमिटेड रहेको छ ।
